Cy devise de la grant province de Maabar que l'en appelle l'Ynde greigneur et si est la terre ferme / « Sachiez que en toute ceste province de Maabar n'a maistre tailleur de robes ne cousturier pour taillier, ne pour coudre robes, pour ce que ilz vont toujours tous nulz. Mais ilz cueuvrent leur nature de un pou de drap ; et aussy les hommes comme les femmes, et les poures hommes comme les riches. Et ainsi va le Roy, sauf que il porte tel chose comme je vous dirai.
Il a au col tout environ un fresiau, qui est tout plain de pierres précieuses. Ce sont rubis, safiers, esmeraudes et autres pierres, si que ce colier vaut un grant trésor. Et sy a aussy, devant le pis du col jusques aval, un fil soubtil de soie qui a C et quatre grosses perles. Et sy a aussy plusieurs autres rubis. Pourquoy, si comme ilz dient, il porte celui cordon atout cent et quatre perles grosses et rubis ; si est pour ce quil lui convient dire chascun jour cent et quatre oroisons de ses ydoles ». (f. 78v)
Cy devise de la grant province de Maabar que l'en appelle l'Ynde greigneur et si est la terre ferme / « Sachiez que en toute ceste province de Maabar n'a maistre tailleur de robes ne cousturier pour taillier, ne pour coudre robes, pour ce que ilz vont toujours tous nulz. Mais ilz cueuvrent leur nature de un pou de drap ; et aussy les hommes comme les femmes, et les poures hommes comme les riches. Et ainsi va le Roy, sauf que il porte tel chose comme je vous dirai.
Il a au col tout environ un fresiau, qui est tout plain de pierres précieuses. Ce sont rubis, safiers, esmeraudes et autres pierres, si que ce colier vaut un grant trésor. Et sy a aussy, devant le pis du col jusques aval, un fil soubtil de soie qui a C et quatre grosses perles. Et sy a aussy plusieurs autres rubis. Pourquoy, si comme ilz dient, il porte celui cordon atout cent et quatre perles grosses et rubis ; si est pour ce quil lui convient dire chascun jour cent et quatre oroisons de ses ydoles ». (f. 78v)
